ဂျပန်နိုင်ငံတွင် နေထိုင်သော နိုင်ငံခြားသားများအတွက် HIV ကိုယ်တိုင်စစ်ဆေးမှု ပံ့ပိုးပေးမည့် စနစ် တည်ဆောက်ရေးဆိုင်ရာ လေ့လာမှု

HIV ကိုယ်တိုင်စစ်ဆေးခြင်းအကြောင်း

ဤသုတေသနတွင် ကျွန်ုပ်တို့သည် OraQuick ကို အသုံးပြုပါသည်။

OraQuick ဆိုတာဘာလဲ?

OraQuick သည် ကိုယ်တိုင် အသုံးပြုနိုင်သည့် ရိုးရှင်းသော HIV ကိုယ်တိုင်စစ်ဆေးကိရိယာတစ်ခုဖြစ်သည်။ကိုယ်တိုင်စစ်ဆေးကိရိယာအစုံတွင်ပါ၀င်သည့် ဒုတ်တံဖြင့် သင့်ပါးစပ်အတွင်းမှ သွားဖုံးကို နူးညံ့စွာ ပွတ်တိုက်ပြီး ဒုတ်တံကို အရည်ပါသော ပုံးထဲ ထည့်လိုက်ပါက ခန့်မှန်းချိန် ၂၀ မိနစ်အတွင်း ရလဒ်ကို မြင်တွေ့နိုင်ပါသည်။

• ဆေးထိုးရန် သို့မဟုတ်ပါသည် သွေးနမူနာ မလိုအပ်ပါ။
• ဆေးစစ်မှုကို ဆေးရုံ သို့မဟုတ်ပါသည် စစ်ဆေးရေးဌာနသို့ မသွားဘဲ သင်အဆင်ပြေသည့်နေရာတွင် ကိုယ်တိုင် ပြုလုပ်နိုင်ပါသည်။
• ဤစမ်းသပ်ကိရိယာကို ကမ္ဘာတစ်ဝှမ်းတွင် ကျယ်ပြန့်စွာ အသုံးပြုကြပြီး ယုံကြည်စိတ်ချရသော စမ်းသပ်နည်းတစ်ခု ဖြစ်ပါသည်။
• OraQuick သည် သင့်ခန္ဓာကိုယ်တွင် HIV ပဋိဇီ၀ပစ္စည်းများ ရှိမရှိကို စစ်ဆေးပေးသည်။ HIV ပိုးရှိသူ နှင့် ထိတွေ့ခဲ့နိုင်သည့် အချိန်မှ ၃ လ မပြည့်သေးပါက ရလဒ် မှန်ကန်မှု မရှိနိုင်ပါ။
• ဤစမ်းသပ်ကိရိယာသည် သုတေသနရည်ရွယ်ချက်အတွက်သာ ရည်ရွယ်ထားသောကြောင့် စမ်းသပ်ရလဒ် ပိုးရှိသည်(ပေါ့စတစ်)ဖြစ်ပါသော်လည်း ကုသမှု မစတင်နိုင်ပါ။
• သင့်ရလဒ် ပိုးရှိသည် (positive) ဖြစ်ပါက ထပ်မံအတည်ပြုရန် ပြည်သူ့ကျန်းမာရေးစင်တာ သို့မဟုတ် ဆေးရုံသို့ သွားရောက်ပြီး သွေးစစ်ဆေးမှုခံယူရန်တိုက်တွန်းပါသည်။

စမ်းသပ်ကိရိယာရယူနည်း

လျှောက်ထားသူများသည် အောက်ပါရွေးချယ်စရာများထဲမှ တစ်ခုကို ရွေးနိုင်ပါသည်။

1. အိမ်သို့ပို့ဆောင်ခြင်း

   သင့်နာမည်နှင့် အိမ်လိပ်စာကို မေးမြန်းပါမည်။

2. ဒေသခံစာတိုက်ရုံးတွင် ကိုယ်တိုင်ယူခြင်း

   စာတိုက်ရုံးအမည်၊ သင့်အမည်နှင့် သင့်လိပ်စာကို မေးမြန်းပါမည်။

အွန်လိုင်းမှ တဆင့်စမ်းသပ်ကိရိယာလျှောက်ထားခြင်းဆောင်ရွက်ခ (၅၀၀ ဂျပန်ယန်း) ကိုပေးဆောင်ပါ။ သင့်ငွေပေးချေမှု အတည်ပြုပြီးပါက ငွေတောင်းခံလွှာနံပါတ်ကို အီးမေးလ်ဖြင့် ပို့ပေးပါမည်။

※သင့်နာမည်နှင့် လိပ်စာမှန်ကန်မှုကို သေချာစစ်ဆေးပါ။ နာမည် သို့မဟုတ် လိပ်စာမှားယွင်းမှုကြောင့် ကိုယ်တိုင်စမ်းသပ်ကိရိယာ မပို့ဆောင်နိုင်ပါက ထပ်မပို့နိုင်ပါ။

• ပို့ဆောင်ပြီးစီးသွားပါက သင့်နာမည်နှင့် လိပ်စာကို ဖျက်ပစ်ပါမည်။ ပို့ဆောင်သည့်အချိန်ပစ္စည်းထုတ်၏ အတွင်းပါအရာများကို မမြင်နိုင်ပါ။
• စမ်းသပ်ကိရိယာပို့ပြီးနောက် ၂ ပတ်ခန့်အတွင်း သင့်စမ်းသပ်ရလဒ်ဓာတ်ပုံကို မတင်ထားသေးပါက၊ မေးခွန်းစာရွက်ကို မဖြည့်သွင်းထားပါက ကျွန်ုပ်တို့သည် ထပ်မံ၍ အီးမေးလ်ဖြင့် ဆက်သွယ်ပါမည်။

သုတေသနအတွက် သဘောတူညီချက်

စမ်းသပ်မှုတွင်ပါ၀င်ရန်ဖိတ်ခေါ်သည့်ကာလပြီးဆုံးပါက ရလဒ်များကို စုဆောင်း၍ သုံးသပ်မည်ဖြစ်သည်။ သုတေသနရည်ရွယ်ချက်မှာ ဂျပန်တွင် နေထိုင်သော နိုင်ငံခြားသားများအတွက် HIV စစ်ဆေးမှုကို ပိုမိုလွယ်ကူအောင် နည်းလမ်းများ ရှာဖွေရန်ဖြစ်သည်။ ဦးဆောင်သုတေသနမှူးသည် သုတေသနတွင်အသုံးပြုရန်အတွက် စမ်းသပ်ကိရိယာကို သင်အသုံးပြုပြီးကြောင်းနှင့် သင် တင်ထားသော စမ်းသပ်ကိရိယာဓာတ်ပုံများကို ကြည့်ရှုမည်ဖြစ်ကြောင်း နားလည်ပေးပါ။

သင့်စမ်းသပ်ရလဒ် ပိုးရှိသည်(ပေါ့စတစ်)ဟုအဖြေထွက်ပါက သုတေသနအဖွဲ့မှ ဆရာဝန်တစ်ဦးက သင့်အား ဆက်သွယ်ကာ သွေးစမ်းသပ်မှု ခံယူနိုင်ရန်စီစဉ်ပေးမည်ဖြစ်သည်။ ထို့ကြောင့် သင့်စမ်းသပ်ချက်ရလဒ်နှင့် အီးမေးလ်လိပ်စာကို ဆရာဝန်ထံ မျှဝေပေးမည်ဖြစ်သည်။

ဖြန့်ဝေပေးနိုင်သည့် ကိုယ်တိုင်စမ်းသပ်ကိရိယာများအရေအတွက်ကို ကန့်သတ်ထားသောကြောင့် တစ်ဦးလျှင် တစ်စုံသာ လျှောက်ထားရန် မေတ္တာရပ်ခံပါသည်။ တောင်းဆိုသူအရေအတွက် ပြည့်ပါက လျှောက်လွှာလက်ခံခြင်းကို ရပ်ဆိုင်းမည်ဖြစ်ကြောင်းလည်း နားလည်ပေးပါ။

သင်သည် မည်သည့်အချိန်တွင်မဆို ဤသုတေသနတွင် ပါဝင်ရန် သဘောတူညီချက်ကို နုတ်ထွက်နိုင်ပါသည်။ နုတ်ထွက်လိုပါက လျှောက်လွှာတင်ချိန်တွင်ရရှိခဲ့သည့် သင်၏ငွေကြေးလက်ခံအထောက်အထားနံပါတ်နှင့် လျှောက်ထားစဉ် ဖြည့်သွင်းထားသော အီးမေးလ်လိပ်စာကို အသုံးပြု၍ ကျွန်ုပ်တို့အား ဆက်သွယ်ပါ။
သုတေသနကို အဓိကဦးဆောင်သူ ကော်ရင်တက္ကသိုလ် လူမှုသိပ္ပံလေ့လာရေးဌာန စုတိုမု ကီတာဂျိမာ kitajima@ks.kyorin-u.ac.jp

အထက်ဖော်ပြပါ အချက်အလက်များကို နားလည်လက်ခံပြီး ”ဂျပန်တွင် နေထိုင်သော နိုင်ငံခြားသားများအတွက် HIV ကိုယ်တိုင်စစ်ဆေးခြင်း ပံ့ပိုးပေးမည့် စနစ် ဖွံ့ဖြိုးရေး” သုတေသနတွင် ပါဝင်ရန် သဘောတူပါသလား?

HIV ကိုယ်တိုင်စစ်ဆေးခြင်းဆိုင်ရာ ကြိုတင်စစ်တမ်း

ဤစစ်တမ်းသည် HIV ကိုယ်တိုင်စစ်ဆေးမှုကို အသုံးပြုလိုသူများ၏ သဘောသဘာ၀များကို နားလည်ရန် ရည်ရွယ်ပါသည်။ ရလဒ်များကို အနာဂတ် HIV စစ်ဆေးမှုဝန်ဆောင်မှုများ စီမံကိန်းရေးဆွဲခြင်းနှင့် တိုးတက်အောင် မြှင့်တင်ရာတွင် အသုံးပြုမည်ဖြစ်ပါသည်။ ကျေးဇူးပြု၍ ပူးပေါင်းကူညီပေးပါရန် တောင်းဆိုအပ်ပါသည်။

သင့်ဖြေကြားချက်များကို စာရင်းအင်းဆိုင်ရာဖြင့်သာ စုစည်းသုံးသပ်မည်ဖြစ်၍ စစ်တမ်းဒေတာမှ တဆင့်သင်၏ကိုယ်‌ရေးကိုယ်တာအချက်အလက်များကိုမည်သူမျှ တစ်ဦးချင်း မသိနိုင်ပါ။ စစ်တမ်းတွင် ပါဝင်ခြင်းမှာ သင်၏သဘောဆန္ဒသာဖြစ်ပြီး မဖြေလိုသော မေးခွန်းများကို မဖြေရန် အခွင့်အရေးရှိပါသည်။

ဤစစ်တမ်းကို ပြီးမြောက်အောင် ပူးပေါင်းဆောင်ရွက်ပေးခြင်းဖြင့် ဂျပန်တွင် နေထိုင်သော နိုင်ငံခြားသားများအတွက် ပိုမိုကောင်းမွန်သော HIV စစ်ဆေးမှု ဝန်ဆောင်မှုများ ပံ့ပိုးနိုင်ရန် ကူညီပေးစေလိုပါသည်။

ဆက်သွယ်ရန် သင့်အီးမေးလ်လိပ်စာကို ထည့်ပါ။